Младите охриѓани рекреираа до Велестово

19.05.08 18:23

Во рамките на програмата ,,СПОРТ ЗА СИТЕ – ЗДРАВЈЕ ЗА СИТЕ,, Младинскиот Совет Охрид организираше планинарски излет ,,ВЕЛЕСТОВО 2008,“. На излетот учествуваа 50 учесници, кои се движеа по комбинираната тревна и камена патека на потегот од споменикот на Св. Кирил и Методи – Билјанини извори – чешма Црско – Велестово што им овозможи на рекреативците да го видат Охрид од една поинаква перспектива.

^{Младите рекреираа до Велестово}

Групата го посети Домот на културата во Велестово, Црквата Св. Богородица и чешмата и споменикот на паднатите борци од НОБ и револуцијата на сред село. Од страна на професионален планинарски водич, учесниците на излетот беа запознаени со основните принципи за движење низ планина, исхрана на планина како и движење и препознавање на маркација, која што е од големо значење за оние кои ја посетуваат планината. За вкусната планинска закуска се погрижи х. „Климетица“.

^{авантурата започна}

^{малку по земја}

^{малку нагоре}

^{па надолу}

^{конечно афалт}