Од градското пристаниште во Охрид денеска ќе започне порибувањето на Охридското Езеро со јагула.
       
Порибувањето ќе го вршат претставници од Мрестилиштето “Шум” од Струга,  директорот на институтот за сточарство и Државниот секретар при Министерството за животна средина и просторно планирање.
       
Подмладокот го обезбеди ЕЛЕМ  од затворено мрестилиште во Грција.


       
Охридското Езеро е единствената водна површина  во Европа што се порибува  со јагула на вештачки начин. Експертите велат дека состојбата со јагулата   во езерото е задоволувачка, иако во последните неколку години е намален изловот на овој вид риба кој достигнувал и до 16 тони.
       
Природниот пат на јагулата  која се мрести во Саргасовото Море и  Мексиканскиот Залив е прекинат во 1970 година со  изградба на хидроцентралите “Глобочица” и “Шпилје” на реката Црн Дрим.  

Ohridnews