Младите атлетичари од АК „Охрид трчаТ” со значителни резултати на Државното првенство за пионери

Значителни резултати освоија младите атлетичарите од АК „Охрид трчаТ” на Државното првенство за пионери кое се одржа во Скопје.

Александар Камнароски освои прво место на трката на 100 метри и второ место во скок во далечина. Јана Димоска прво место на 100 метри и второ место скок во далечина. Ангела Ѓоршеска трето место на дисциплина 600 метри, додека исто така трето место само во дисциплината фрлање копје освои Теодор Манчески.

Во женска конкуренција штафетата 4×100 во состав Калина Анѓелоска, Софија Коруноска, Тамара Чолеска и Јана Димоска го освои првото место, информираат од клубот.

Од клубот велат дека се задоволни од постигнатите резулати, но и од  тимски дух и однос кој атлетичарите го покажуваат меѓусебе и кон спортот.

OhridNews