Младински Центар Охрид го објави првото Младинско летно списание „Youth Vibe“. Станува збор за живописно и возбудливо летно младинско списание кое го обединува креативниот и енергичен дух на младите луѓе за да прикаже широк спектар на забавни, културни, уметнички, и спортски летни активности, велат од Младинскиот Центар.
Веруваме дека ова списание е совршена платформа за славење на ентузијазмот, талентите и соништата на младите. Нашата мисија е да ги поттикнеме и инспирираме младите поединци да го искористат максимумот од нивните летни паузи, нудејќи им вреден ресурс исполнет со привлечна содржина и можности. Ова е првото издание на списанието кое во својата содржина е поделено во три категории: култура, млади и спорт, додаваат.
Во ова прво издание на летното списание може да се најдат најинтересните летни настани во Охрид и Струга организирани од: Младински Центар Охрид, Охрид Џез Фестивал, ВИС Билјана, Охрид трчаТ, Културолошка Иницијатива 5 до 12, Ohrid Water Festival, Ohrid Ultra Trail, ИТК Македонија, Американско катче Струга, Peshtani Extreme Vertical и сл.
Списанието е изработено од членови на Медија клубот кој функционира во рамки на Младински Центар Охрид, издавач е Младински Центар Охрид и Коалиција на младински организации СЕГА, додека автори се Матеа Стоев, Наталија Танеска и Јован Цветкоски.
OhridNews
