Руските научници по две децении дупчење успеаа дa стигнат до мистериозното езеро Восток кое се наоѓа под дебелиот слој мраз на Антарктикот на длабочина од речиси 4 километри. Примерокот вода земен од езерото кое е отсечено од светот повеќе од 20 милиони години се испратен
и на анализа во лабораторија во Санкт Петерсбург, а резултатите со нетрпение ги очекува целиот свет, затоа што се смета дека езерото Восток ја крие тајната на климатските промени на планетата, пренесува белградски „Блиц“.
Научните не знаат дали во езрото има живот, но се претпоставува дека во него живеат бактерии кои се прилагодиле во услови на целосен мрак.
Езерото Восток се очекува на научниците да им даде корисни информации кои ќе им овозможат да согледаат делумно какви услови владеат на јупитеровата месечина Европа, каде се претпоставува дека под дебелиот слој мраз има вода.
Се проценува дека езерото Восток содржи околу 5400 кубни километри потполно чиста вода, почиста и од двојно дестилираната вода.
При дупчењето на мразот била употребена најнова технологија со цел да не дојде до загадување на недопреното езеро.
OhridNews
