Британската сателитска компанија Инмарсат успеа да ја реши енигмата по кој правец се движел малезискиот авион што исчезна на 8 март со помош на Доплеровиот ефект, појава што физичарите ја откриле во средината на 19-тиот век, јавува „Макфакс“.
Овој ефект и помогнал на британската компанија за читање на податоците според кои дошле до заклучок дека исчезнатиот авион, за кој малезиските власти соопштија дека се урнал на југот на Индискиот океан без преживеани, летал токму во таа насока, а не кон централна Азија, како што гласеше една од теориите.
Доплеровиот ефект е појава што ја забележуваме во секојдневниот живот и се сведува на промена на фреквенцијата на бранови што испраќачот ја упатува на примачот во однос на нивната меѓусебна положба.
Така на пример, звукот на полициската сирена што се приближува е се повисок, а како што се оддалечува станува се послаб.
Инмарсат со помош на Доплеровиот ефект анализираше седум сигнали од радарот што дошле од авионот на летот МХ370 од Куала Лумпур за Пекинг. Според времето што било потребно сигналот да стигне до британскиот приватен сателит и аголот под кој доаѓал, најпрвин биле утврдени два правци, кон север и југ.
Сателитот го зеле како примач на звукот и врз основа на ослабнување на сигналот според Доплеровиот ефект утврдиле дека насоката е кон југ.
Иако судбината на авионот е дефинирана, потрагата по неговите делови продолжува. Во потрагата учествуваат десетици авиони, бродови и луѓе од 26 држави. Нивна главна цел е пронаоѓање на црната кутија.
OhridNews
извор:„Макфакс“
