Екипата на Бел Мерцедес минимално со 1-0 го совлада тимот на Спарадајс со голот на Сашо Крцоски на пет минути пред крајот на мечот.
Натпреварот во целиот тек беше тврд и изедначен, а не изостанаа и острите стартови од двете екипи.
Повеќе нерви во финишот на мечот имаше екипата на Бел Мерцедес, Спарадас ја имаше најзрелата прилика преку Матесеки, но по ударот Абди реагираше спасувајќи од гол линијата.
– Исклучително тврд и тежок меч, тие посакаа да ни се реваншираат поради поразот во групата, но одигравме стрпливо и заслужено победивме. Во полуфиналето не чекаат познати противници и очекувам да обезбедиме пласман во финалето – рече Крцоски – стрелецот на единствениот гол.
Во полуфиналето Бел Мерцедес ќе се сретне со Дисконт Царовски.
М.П.
