При вчерашната посета на културните институции во Охрид, носителот на листата на коалицијата  “За подобра Македонија“  за ИЕ 5,  Антонио Милошоски, заедно со кандидатите за пратеници од Охрид, ја посети и градската библиотека “Григор Прличев“.


Милошоски во посета на градската библиотека

Од директорот на оваа институција и вработените, Милошоски беше информиран за проблемите со кои библиотеката се соочува последниве 2 години, од аспект на немање доволно простор за нормално функционирање на установата и задоволување на потребите на граѓаните на соодветно ниво. Антонио Милошоски во оваа прилика го пренесе ставот на премиерот и претседател на ВМРО-ДПМНЕ, Никола Груевски, дека тој лично ќе се заложи за надминување на просторните проблеми, со што на охриѓани ќе им се овозможи да имаат пристојни услови за користење библиотечниот фонд на градската библиотека “Григор Прличев“.

Носителот на кандидатската листа на коалицијата „За подобра Македонија“ вчера го посети и Центарот за култура „Григор Прличев“ каде оствари средба со раководството и присуствуваше на изложбата “ЧЕТЕРИ РЕВОЛУЦИОНЕРИ НА МАКЕДОНСКАТА  РЕВОЛУЦИОНЕРНА ОРГАНИЗАЦИЈА“.


Милошоски при вчерашната посета на институциите од културата во Охрид се сретна и со директорот на фестивалот „Охридско лето“, Тони Симоноски со кого разговараше за подготовките на 48-то издание на најзначајната културна манифестација во земјата.


извор: ОК ВМРО ДПМНЕ