Селекторот на фудбалската репрезентација на Србија, Синиша Михајловиќ, за квалификационите натпревари со Белгија и Македонија, ќе настапи со двајца дебитанти.
Михајловиќ за српските медиуми по објавувањето на списокот изјави дека ќе биде задоволен само доколку во престојните два меча неговата репрезентација освои шест бода. Тој истакна дека мечевите со Белгија и Македонија ќе бидат многу потешки од дуелите со Велс и Шкотска.
„Натпреварот против Велс е моделот на игра според кој сакам да игра мојот тим – висок пресинг, топката да биде на земја, многу куси додавања. Пристапот кон играта беше извонреден и ќе бев задоволен дури и да загубевме на тој натпревар. Секако дека имаше и некои негативни работи и во овој период ќе работиме на нивна исправка“, рече Михајловиќ.
Репрезентацијата на Србија по два одиграни натпревари има четири бодови исто како и Хрватска и Белгија.
“Макфакс“
