СДСМ веројатно ужива кога се случуваат несреќи и затоа се појавува во јавноста само кога се случуваат , за жал , лоши нешта, возвраќа претседателот на Општинскиот комитет на ВМРО ДПМНЕ, Атанаско Михаилов, на обвинувањата од политичкиот ривал изненсени на денеска одржаната прес конференција.
– Во СДСМ упорно и беспомошно сакаат да се изземат од се што се случува во Охрид, но не смеат да заборават дека токму СДСМ и нивниот Градоначалник го управуваат Охрид и токму СДСМ и нивниот Градоначалник се одговорни за се добро или лошо што се случува во Охрид. Но факт е дека од нив промовираната политика на навреди и лаги , промоцијата на политичкиот инает како единствена вредност , користење на недолични изрази на пресови и изјави , организирани хајки против неистомисленици и нивни критичари , самобендисаноста и некритичноста , неорганизираноста на градот и создадениот хаос во секој аспект на неговото функционирање , создавањето урбана мафија, некоординираноста на институциите , алчноста на поединци од локалната власт , чудните самоинтереси на коалициони партнери на локалната власт , паднатите со тоа духовни вредности на градот , се причините зошто Охрид ,кој го управува токму СДСМ , доживеа да биде срушен , да биде цел на потсмев и да биде паднат на колена. – вели Михаилов.
Тој укажува дека за разлика од безидејноста и бесперспективноста на СДСМ, ВМРО ДПМНЕ во Охрид само во последниов период инвестирала околу 20 милиони евра во низа на инфраструктурни , културни и туристички проекти
– ОК на ВМРО ДПМНЕ повикува на одговорност на секој фактор кој влијаел за случувањата во Охрид . И тоа е доблеста на ВМРО ДПМНЕ . СДСМ само ги брани виновниците каде и да се . И ги амнестира. Но , не може да биде амнестирана локалната самоуправа во Охрид која ја води СДСМ и нивниот Градоначалник како фактички најодговорни ,затоа што токму тие веќе 6-та година всушност го спроведуваат падот на Охрид. -додава Михаилов.
