Повеќе од 300 кучиња имале групно миење на заби во Хонг Конг, во обид да се собори светскиот рекорд во тоа најмногу кучиња да имаат во исто време совршено чисти заби. Сопственици на 312 кучиња ги чистеле забите на своите миленици по три минути користејќи специјални четкички за заби и гел, како би постигнале Гинисов рекорд во категоријата во која „најмногу луѓе ги измиле забите на своите кучиња во исто време“.
Организаторите рекле дека овој настан, одржан на јужниот брег на Хонг Конг, имал за цел да го промовира одржувањето на хигиената кај кучињата и собирање средства за центарот за спасување на тој вид животни. Хилда Вонг од фирмата која го организирала настанот рекла дека многу луѓе водат светка за влакната и исхраната на своите кучиња, но не толку за нивните заби. Додала дека миењето на забите кај кучињата е исто толку важно колку и четкањето на нивните влакна. На крајот информирала дека ќе бидат потребни неколку месеци официјалните лица од Гинисовата книга да потврдат дали овој настан го соборил светскиот рекорд.
