Петседателот на опозициската ВМРО-ДПМНЕ Христијан Мицкоски од Инфективната клиника се огласи за својата состојба со коронавирусот, потенцирајќи дека по поминати исклучително тешки 12 дена, денеска се чувтсвува подобро.
13 ден откако сум ковид позитивен. Поминав исклучително тешки 12 дена, велат излегувам од т.н., цитокинска бура, интерлеукин 6 се намалувал. Денес ми е прво утро без покачена температура, подобро се чувствувам. Ова што јас го преживувам не сакам да биде ничија реалност бидејќи вирусов е страшен. Сакам да упатам јавна благодарност до целиот медицински персонал на Инфективна клиника во Скопје. Секој од нив е вистински борец и нивната посветеност и пожртвуваност не се опишува со зборови, напиша Мицкоски на својот Фејсбук-профил.
Жално и трагично е што сѐ уште не е започнат процесот на вакцинација, истакнува тој, бидејќи без тоа нема решение, а очигледно за него ќе чекаме уште многу.
Ќе помине и мојата здравствена мака, ама ќе започне маката на Владата заради оваа неодговорност и неспособност за набавка на вакцини. Не е време за циркус со шпиунски игри, треба сериозни луѓе на вистински места што знаат како. Ако на времето беше смешно кога ќе слушневме дека блескаме, денес е трагично бидејќи блескаме поради срамот, простотилукот, неспособноста на власта. Доаѓа денот за одговорност, напиша Мицкоски.
OhridNews
