Според Министерството за внатрешни работи(МВР), акцијата започнала уште пред една година, од кога трае документирањето на податоците за злоупотребите.
Со кривични пријави се опфатени 37 лица, а неофицијално 34 од осомничените веќе се приведени.
Уапсени се членови на Првостепената и Второстепената комисија за доделување на инвалидски пензии, а меѓу нив и 17 доктори и специјалисти од приватните и јавните болници, кои учествувале во давањето дијагноза.
Уапсени се и лица посредници, кои наоѓале заинтересирани граѓани за добивање на инвалидска пензија на нелегален начин.
Најмногу доктори се уапсени од Клиничките центри во Скопје, Тетово и Струга, претежно кардиолози, ортопеди, пумолози и психијатри. Извршени се и 15 претреси во домови. Апсењата се вршени во домовите на осомничените, како и на нивните работни места.
Како што соопштуваат од МВР, ова е завршна фаза на акцијата „Метастаза“, која имаше за цел да го прекине криминалниот синџир за стекнување со инвалидска пензија со поткуп.
извор: „Макфакс“
