Големите ракометни ривали Металург и Вардар Про, во среда, ќе ја спуштат завесата на натпреварите од регуларниот дел од сезоната, во СЕХА лигата.
Двата тима без притисок влегуваат во овој натпревар, откако во СЕХА лигата се решени сите дилеми околу пласманот на табелата и патниците на завршниот турнир.
Познато е дека Металург и Вардар Про ќе се сретнат во полуфиналето на Ф4 турнирот кој од 12. до 14.април ќе се одигра во Скопје.
Инаку, од Металург најавија дека собраните средства од натпреварот кој ќе се одигра во Автокоманда, ќе ги донира за возобновување на Манастирот Трескавец.
“Макфакс“
