Откако спласна прашина која се крена поради отказите кои Металург им ги додели на неколку ракометари, клубот од „Автокоманда“ го промовираше првото засилување за следната сезона, средниот бек Павел Атман.
Атман минатата сезона ја започна во Чеховски Медведи, а во зимскиот преоден рок направи трансфер во Динамо Минск, кој беше елиминиран од Металург во 1/8 финалето во Лигата на Шампиони.
– Иако имав понуди од неколку европски екипи, а некои беа и финансиски подобри, се решив за екипата на Металург, чиј развој го пратам неколку години. Многу сум среќен што потпишавме договор и што ќе настапувам за екипа која постигна одлични резултати во Лигата на шампионите – рече Атман за интернет страница на Металург.
Мх.П.
