Тешката повредата на Дејан Манасков ја примора управата на Металург да бара адекватна замена за македонскиот репрезентативец. Одлуката падна на словенскиот интернационалец Давид Коразија, кој ќе потпише договор до крајот сезоната.
Манасков повредата на лигаментите ја заработи на последниот натпревар од групната фаза во Лигата на Шампиони против данскиот Силкерборг. Противник на “металурзите“ во 1/8 финалето од најеминетното натпреварување е белорускиот првак, Динамо Минск.
Првите натпревари се играат од 17 до 20 март додека реваншот во Скопје е закажан од 20 до 24 март.
Мх.П.
