Мешовитата меѓународна комисија составена од експерти од Македонија, Бугарија и Хрватска  ја истражува бродската несреќа што се случи во Охридското Езеро кај Елешец, во која животот го загубила 15 бугарски туристи. Комисијата во која членуваат по тројца експерти од секоја земја, истражен судија од Основниот суд во Охрид и истражен судија од Бугарија  денеска го имаше првиот заеднички увид на местото на несреќата.

 

Македонскиот експерт, Злате Клечкароски се воздржа од коментар за причините кои доведоа до трагичниот настан, но рече дека комисијата има одредени индиции што ја предизвикало несреќата. Сепак ќе треба да сочекаме да заврши истрагата па потоа да излеземе со нашиот став, им изjaви на новинарите Клечкароски.

 

Тој додаде дека комисијата веќе донела одлука потонатиот брод „Илинден“ да се извади од водите на Охридското Езеро, но како што рече, тоа ќе се направи штом временските услови го дозволат тоа.


Поранешниот капетан на Капетанијата на пристаништата во Охрид истакна дека на Комисијата ќе и треба време за да го изготви конечниот извештај, а останатите членови искажаа уверување дека експертизата ќе ги открие причините за трагедијата која однесе 15 животи.

Ohridnews