Холивудскиот актер Мел Гибсон смета дека неговото златно време во Холивуд минало, па одлучил да се посвети на сточарството. Јунакот од филмовите “Храбро срце“ и “Смртоносно оружје“ се состанал на Фиџи со министерот за риболов, шумарство и земјоделство. Му понудил соработка која владата на Фиџи не можела да ја одбие. Актерот наводно ќе добиел место како советник доколку им помогне во туристичката понуда.
Мел Гибсон на министерот му рекол дека има крави, овци, кози и плантажа со кокосови ореви. Според него немало смисла да се трошат пари за увоз на месо кога имаат се. Американецот фармата на Фиџи ја купил во 2005 година од јапонска компанија и ја опремил по најмодерни стандарди. Заклучил дека не е лошо да си сточар. Постојано си во природа па ги одмараш телото и душата.
