Професори, студенти, преведувачи, слависти и балканисти од 20 земји ќе земат учество на четириесет и вториот Меѓународен семинар за македонски јазик, литература и култура што од денеска до 27 август ќе се одржува во Конгресен центар на Универзитетот „Св. Кирил и Методиј“ во Охрид.
Меѓу учесниците има слависти и од Грција, кои заедно со колегите од светот освен за јазикот ќе дебатираат и ќе учат за нашата култура и историја. Покрај лекторските вежби, во рамки на семинарот ќе има преведувачка работилница, и предавања на истакнати македонски академици и автори. На 25 и 26 август ќе се одржи и 35. Научна конференција, а традиционално и годинава ќе бидат организирани и курсеви за учење македонски ора.
Ohridnews
