Во периодот од 16-17 септември 2023 година, во организација на Здружението за спортско едрење „Акватика Јахтинг”- Охрид, поддржано од Едриличарската Федерација на Македонија и Општина Охрид, ќе се одржи III-та меѓународна едриличарска регата „International Ohrid Sailing Regatta”.
Учество ќе земат клубовите Ј.К. Палиќ, Бродарски клуб Металац Смедерево, Ј.К.Смедерево од Србија, Централен Софиски Јахт клуб од Бугарија, GKZ(ГКЖ) од Полска и Е.К. Снегар и Акватика Јахтинг од Македонија(се чека потврда за учество и од клубови од Црна Гора и Грција). Ќе се натпреваруваат во класите Оптимист, ILCA 4 и класата 470. Ќе се едри на регатното поле Градско пристаниште-Канео-Горица 1, информираат организаторите.
Воедно упатуваат повик сите заинтересирани да ги следат настаните од просториите на Здружението за спортско едрење „Акватика Јахтинг”- Охрид или од Градското пристаниште, како и од плажата Горица 1 „Кј Дивоно”.
OhridNews
