Мајкл Зон од Лас Вегас матурирал на 90 години, пренеле медиумите. Овој старец, кој по потекло бил од Канада и кој бил ветеран од Втората светска војна, завршил само основно училиште, а да продолжи со школувањето го наговорил неговиот внук Метју.
Воопшто не му било лесно да матурира. Најмногу проблеми имал со математиката, па земал и приватни часови како би го положил и тој предмет. Тој изјавил дека се надева оти неговиот успех ќе биде инспирација за младите да продолжат со школувањето. како што рекол, без диплома не можете да одите онаму каде што ќе посакате.
