Хуманитарната спортско-рекреативна акција “За посреќно детство” што втора година по ред ја организира охридскиот Црвен крст, привлече сторици хумани вљубеници во спортот. Тие зедоа учество во хуманиранта трка од градскта фонтана до кејот, како и во натпреварите во повеќе други спортски дисциплини кои исто така се одржаа под отворено небо.
Средствата собрани од оваа акција со продажба на учесничките броеви и со обезбедување на прилози од спонзори и донатори, наменети се за набавка на специјални колички за децата телесните инвалиди и децата болни од церебрална прализа, со кои тие ќе можат да се капат и рекреираат во водите на Охридското езеро.
На манифестацијата беше презентирана дел од опремата и активностите на повеќе институции, клубови и здруженија-Противпожарна единица од Охрид, карате клуб „Безбедност”, извиднички одред „Бран” и др.
Втора година во Охрид се одржува хуманитанта манифестација „За посреќно детство“
Организаторите се задоволни од одзивот на охриѓани на хуманитарната трка. До денес продале 4000 бонови, но очекуваат собраните средства да се зголемат во наредните денови. Покрај спортските активности се одржа и крводарителска акција на која беа собрани 22 единици крв.
фото: ДИГИТАЛ ФОТО МИКИ
