Поп рок групата „Марун 5“ најави дека работат на нов албум, но ова лето сепак ќе одат на турнеја низ САД. Бендот награден со Греми соопштил дека турнејата ќе им започне на 1 август во Сент Луис и дека на тој концерт со нив ќе настапи Кели Кларксон. Пејачот Адам Левин изјавил дека свирката на отворено е секогаш поинаква од свирењто во сала, бидејќи нагласокот е повеќе на музиката а помалку на продукцијата. Турнејата, на која ќе одржат 31 концерт, ќе заврши на 5 октомви во Сан Диего.
Левин рекол дека тој и останатите членови на бендот и понатаму уживаат во успехот на својот претходен, четврти албум “Overexposed”, кој достигнал платинест статус благодарение на песните “Payphone”, “One More Night” и “Daylight”. Додал дека моментално работат на нов албум за кој се надева дека исто така ќе биде добро прифатен кај публиката.
