Со одлука на градоначалникот Александар Петрески за вршител на должност директор на Централната градинка „Јасна Ристеска“ е назначена Марина Петроска Тодороска, инаку досегашен директор на установата. Претходно Управниот одбор на градинката по неколку седници до градоначалникот Петрески испрати друг предлог за директор на установата. Имено, со 3 гласа „За“, 3 воздржани и еден глас за актуелниот директор, У.О. ја предложи Роза Костоска, вработена во установата, за директор на градинката.
– Бидејќи У. О. не му достави на градоначалникот единствен кандидат со мнозинство гласови, за вршител на должност директор на Централната градинка „Јасна Ристеска“ во период до 6 месеци е назначена Марина Петроска Тодороска, стои во решението на градоначалникот Александар Петрески. Од локалната самоуправа појаснуваат дека за некое лице да биде и официјално предложено за вршител на раководна функција во градинката потребно е да има поддршка од мнозинството членови на Управниот одбор, односно да добие најмалку 4 гласа од седумте членови на одборот.
OhridNews
