Руската тенисерка Марија Шарапова реши да ја заврши сезоната и да се повлече од трите преостанати турнири на кои требаше да се натпреварува.
Шарапова сака да се одмори и нема да учествува на Кина опен, Тијанџин опен и Кремљ купот во Москва по лошата сезона. Таа планира да ја почне новата сезона во Шенжен, Кина, каде што стартуваше и лани и стигна до полуфиналето.
Тоа беше само еден од двата турнири на кои 31-годишната Шарапова го помина четврт-финалето, но двапати загуби во полуфиналето. На гренд слем турнирите, Русинката немаше најдобар настап стигнувајќи до четврт-финалето на Ролан Гарос, до осминафиналето на САД опен, но загуби во третото коло на Австралија опен и во првото коло на Вимблдон.
OhridNews
