Шкотскиот тенисер Енди Мареј доби покана за настап на првиот грен-слем турнир во новата сезона Австралија Опен, објавија денеска организаторите.
Мареј последен пат настапи на турнирот во Мелбурн пред три години, а своето последно финале го одигра во 2016 година кога загуби од Србинот Новак Ѓоковиќ.
Мареј изминатите години се бори со повредата на колкот поради што падна на АТП листата на 134 место.
Минатата недела шкотскиот тенисер настапи на егзибицискиот турнир во Абу Даби каде го совлада Шпанецот Рафаел Надал, а во финалето загуби од Русинот Андреј Рубљов.
Многу сум среќен и возбуден поради тоа што повторно ќе можам да играм на Австралија Опен. Му благодарам на Крег Тилеј и неговата екипа за оваа исклучителна можност, изјави Мареј за веб страницата на турнирот, кој започнува на 17 јануари.
OhridNews
