Заводот за заштита на спомениците на културата и Музеј Охрид и Македонската академија на науките и уметностите – МАНУ, никако да го решат спорот кој да биде сопственик на куќата на Уранија.
Според директорот на охридскиот Завод и Музеј, Јордан Трца, МАНУ одбива да ја преземе куќата на Уранија, која со одлука и ја отстапи Владата, и наместо тоа сака да отвори летна резиденција на Плаошник по неговата целосна ревитализација. Трца смета дека поранешната Влада донела погрешна одлука кога и ја отстапила куќата на Уранија на МАНУ и очекува сегашната влада истата да ја врати во сосптвеност на Заводот и Музеј.
куќата на Уранија културно пропаѓа
Во меѓувреме, додека Заводот и Музеј и МАНУ се надмудруваат околу куќата на Уранија овој вреден споменик на културата пропаѓа. Некогаш активната музејска куќа сега е руина а поради слабата статика постои опасност и од поголеми оштетувања, па и од уривање.
Заводот и Музеј смета дека би било добро да му се врати во владение куќата на Уранија која би се искористила во културни цели и би се ублажил проблемот со недостаток на музејски простор.
Мики Трајковски
