Најновите информации што ги пласира во медиумите директорот на регионалниот Завод за јавно здравје од Охрид, Атанаско Михаилов, претставуваат внесување паника мегу граѓаните и дезинформација базирана на непотврдени и површи оценки. Ова го истакна портпаролот на општина Охрид, Никола Маневски, во реакцијата по повод објавувањето на последните резултати од испитувањето на квалитетот на водата од Билјанини извори, според кои во водата е утврдено присуство на бактеријата ешерихија коли.
– Директорот на Заводот шири паника од партиски причини со цел да ја дискредитира локалната власт, а потврда за тоа е фактот што тој не е овластен да изнесува претпоставки кој е можен загадувач, туку доколку тоа го сака, а не е негова надлежност, треба да потврди како институција, а не да претпоставува, вели Маневски.
Според него должноста на Заводот е да врши мерења и испитувања на земените мостри од водите и да достави ивештај до општинскиот Инспекторат кој е надлежен да презема натамошни мерки да става забрани или не.
– Не е работа на Михаилов да држи прес-конференции бидејки испитувањата се првични и непотврдени. Дека е така, потврдува и фактот за тоа дека и последните две анализи на водата од Билјанини извори направени на 27.јануари и 10. февруари годинава од Републичкиот завод за јавно здравје покажуваат дека водата е исправна. Само анализата што ја изнесува Атанаско Михаилов поненекогаш покажува дека е исправна – понекогаш дека е неисправна, посочува Маневски.
Тој истакна дека општината бара потврдување со контролна анализа на водите од страна на Хидробилошкиот Институт ,кој според локалната самоуправа има далеку пософистицирана опрема.
