Сите докази покажуваат дека авионот на летот МХ370 се срушил и дека никој од 239 патници не го преживеал падот, соопшти денеска компанијата „Малезија ерлајнс“.
„Последните докази од истрагата покажаа дека авионот се срушил во јужниот дел од Индискиот Океан”, им порачала авио – компанијата на семејствата на исчезнатите.
Последните информации за судбината на летот МХ370 на семејствата на исчезнатите им биле соопштени на итен брифинг и истите им ги соопштил премиерот на Малезија, Наџиб Разак, кој на кратката конференција за новинари истакнал дека во незапаметена потрага до сега за авион биле употребени до сега некористени методи.
„Врз основа на новите податоци, со длабока тага и жалење заклучивме дека летот МХ370 завршил на југот од Индискиот Океан”, рекол Наџиб, кој не сакал да одговара на новинарските прашања.
Премиерот навел дека врз основа на новите, до сега некористени методи во ваков вид истрага, било заклучено дека летот МХ370 летал на јужниот коридор и дека неговата последна позиција била забележана во Индискиот Океан, западно од Перт.
За утре е најавена нова прес – конференција на која ќе бидат изнесени детали за овој трагичен настан.
OhridNews
извор:Макфакс
