Стапката на употреба на контрацептивни средства во Македонија е намалена од 3,6 на 1,6 отсто, што е далеку зад европскиот просек, информираат од Здружението на гинеколози. На Балканот стапката на употреба на контрацептивни средства се движи од 4 до 7 отсто, во Европа таа изнесува 24 отсто, а во некои земји како Белгија, Франција, Германија, Мароко, Холандија и Португалија, таа е и 40 отсто.
Здружението на гинеколози смета дека е е потребно да се охрабрат младите да преземат одговорност кога станува збор за контрацепција со цел да се избегне несакана бременост.
Околу 100 милиони жени во светот користат комбинирани контрацептиви. Секој ден 218.630 жени се соочуваат со непланирана бременост, а 126.027 се одлучуваат на абортус.
OhridNews
