Десетина занаетчии од сите краеви на Македонија втора недела ги изложуваат своите уникатни производи на традиционалната продажна изложба на ракотворби што секоја година ова време се одржува на просторoт кај Лапидариумот.
На штандовите може да се најдат народни носии, рачно работена бижутерија, скулптури, уметнички слики, но и сувенири кои се работат во малку позната техника, како што е мотивот од тешкото изработен од поцинкована жица.
Занаетчиите се задоволни од интересот кој го покажуваат посетителите. Тие велат дека странските туристи повеќе прашуваат и купуваат сувенири кои ќе ги потсетуваат на убавиот одмор во Македонија.
Ohridnews
