Во престижниот хотел „Антуновиќ“ вчера во Загреб македонските туристички потенцијали беа презентирани пред туроператорите од Хрватска. Презентацијата во организација на нашата амбасада во Загреб и Агенцијата за промоција на туризмот предизвика интерес кај хрватските туроператори и од аспект на тоа да ваква презентација во Хрватска првпат се случува.
Пред околу 30 туроператори беа презентирани туристичките потенцијали но и упатството за субвенционирање за странски туристи. Целокупниот настан беше збогатен со учество на дувачкиот квартет од загребската филхармонија кој изведе стилизирана македонска етно музика, а воедно се дегустираше и нашето вино.
Хрватските туроператори информираа дека секоја година се повеќе туристи од Хрватска патуваат за Македонија, а воедно голем е бројот на регионални патувања преку Црна Гора и Албанија. На презентацијата е договорено е да се организираат ФАМ тури со значајни туроператори од Хрватска да дојдат во Македонија каде на лице место ќе се запознаат со нашите туристички потенцијали.
OhridNews
