Меѓусебната соработка во областа на младите категории и тренерскиот кадар, беа во фокусот на разговорите на челните луѓе на македонската и српската ракометна федерација, на маргините на првиот од двата пријателски натпревари меѓу женските селекции на двете земји што во саботата вечер се одигра во Стара Пазова, соопшти Ракометната федерација на Србија.
Македонските ракометарки претрпеа пораз на првиот натпревар со 33:25, a најефикасна во редовите на „црвено – жолтите“ беше Моника Јанеска со девет голови.
Вториот од двата контролни натпревари, кои се играат зад затворени врати, е закажан за во понеделник, исто така, во Стара Пазова со почеток од 17:30 часот.
OhridNews
