Македонија и Албанија имаат одлична соработка на полето на сузбивање на организираниот криминал, беше оцценето на работната средба на високи претставници на полициите на Република Македонија и на Република Албанија, што денеска се одржа во Охрид.

На средбата посветена на начините за справување со недозволена трговија со дрога, со луѓе, финансискиот криминал, како проблемот со фалсификувањето пари била нагласена потребата од зајакнување на соработката меѓу двете полиции на средно и ниско ниво, односно поблиска соработка меѓу офицерите кои работат во секторите за организиран криминал, како и потребата од покренување заеднички криминалистички обработки.

– Досега сме имале одлична соработка со колегите од албанската полиција, Евидентно е дека нашите криминалци се во тесна соработка со албанските криминални групи. Оттаму и потребата од заеднички криминалистички акции односно полициска соработка, истакна директорот на македонското Биро за јавна безбедност, Љупчо Тодоровски, додавајќи дека покрај размена на информации отсега соработката ќе се одвива на повисока форма на организирност, преку спроведвање заеднички криминалистички истраги, во кои би биле вклучени и полициите од Италија и Турција.

Директорот на албанската полиција, Хусни Бурга, нагласи дека еден од начините на соработката е размената информации во што покус временски рок.

-Таквата соработка неодамна резултираше со запленувањето голема количество фалсификувани евра, и тоа благодарение на благовремените размени на информации на полициите од Македонија, Албаија и Косово, истакна Бурга.

OhridNews