Македонската алпинистичка федерација – МАФ и Алпинистичкиот клуб „Патагонија“ од Охрид, претстојниот викенд во Охрид организираат завршна манифестација, на која ќе бидат презентирани најзначајните активности на МАФ и ќе бидат доделени наградите Јован Ангелов – Циго, за најуспешните алпинисти во 2018година.
Во рамки на манифестацијата, ќе се одржи и т.н. Алпинистички викенд во Охрид, во чии рамки ќе се реализираат повеќе искачувања на Галичица.
Манифестацијата ќе започне на 21-ви декември (петок) во амфитеатарот на филмската академија Охрид, со почеток во 20:00часот. Вечерта, пак, на 22-ри со почеток во 20:00часот ќе биде прикажана и дел од богата програма на овогодинешниот фестивал на планински филм “ЕХО”.
Оваа манифестација, претставува одлична можност за запознавање со активностите на МАФ и нејзината мисија за промоција и развој на алпинизмот во Македонија, велат организаторите.
OhridNews
