На претпоследниот ден од најголемиот туристички саем во Берлин, отворен за публика, на Македонскиот штанд се слушаше изворна музика и се играше македонско оро. Впечатокот на присутните за промоцијата на македонскиот туризам во Берлин беше исклучително позитивен, велат од Агенцијата за поддршка и промоција на туризмот.
На саемот свое обраќање имаа македонскиот амбасадор во Германија, Филипов и директорот на АППТ – Стрезовски кои зборуваа за туристичките потенцијали на Македонија, а беше промовирана и книгата „Македонија“ на германскиот патописец Сикмејер.
Со звуците на изворната македонска песна, присутните на сеамот имаа можност да дегустираат национални специјалитети и вина, а традиционалното македонско гостопримство не остана незабележано од другите учесници на саемот кои со задоволство го посетуваа македонскиот штанд во Берлин, информираат од Агенцијата за поддршка и промоција на туризмот.
OhridNews
