Десетгодишната Тамара Трајковски триумфираше на трката на 50 метри пеперутка на Отвореното првенство на Виена, што се одржа денеска на отворениот олимписки базен на „Пратер“ стадионот. Тамара, која е македонка по потекло, со време 45,58 сек. беше најдобра во генерациите 2000/01/02 година.
Тамара плива од 2008 година во “S.C. Austria – Wien“, од кога започнува и да се натпреварува. Плива во сите дисциплини, а најдобро и лежи “пеперутка“. Учествувала на националното првенство на Австрија, како и на повеќе интернационални пливачки митинзи. Стручниот тим на клубот смета дека Тамара е исклучително талентиран и перспективен пливач, чие време допрва доаѓа.
Македонката Тамара ја покори Виена
Со денешниот натпревар завршуваат натпреварите за пливачите од генерациите 2000/01/02 во Австрија. На Тамара сега и претстојат напорни тренинзи за подобрување на формата и своите времиња пред почетокот на новата сезона во октомври.
Г. Момироски
