Македонија ќе биде прв носител при ждрепката за квалификациите за кошаркарското ЕП 2011 година, ако при одредувањето на носителите се гледаат резултатите од Европското првенство.
Од ФИБА Европа се’ уште не ја објавија листата на носители за извлекувањето кое ќе се случи во средината на јануари, но познато е дека ќе има три групи по пет тима. На завршницата директно одат двете првопласирани од сите три групи.
Македонија на последното ЕП беше на 9 место, и според пласманот од тоа првенство во првиот барабан би требало да бидат уште и Полска и В. Британија.
Во квалификациите за ЕП 2011 во Литванија треба да играат Македонија, Полска, В. Британија, Израел, Бугарија, Летонија, Белгија, БиХ, , Финска, Италија, Португалија, Унгарија, Украина, Црна Гора и Грузија.
OHRIDNEWS
