Македонската кошаркарска репрезентација од 1 – ви до 7 – ми јули во Охрид во  СРЦ “Билјанини Извори“ ќе се подготвува за настапот во квалификациите за ЕП 2011 година во Литванија.


Стартот на подготовките селекторот Докузовски го закажа за 21 јуни, а  до комплетирањето на   репрезентативците ќе се работи во Скопје, по што се доаѓа во Охрид. Во “Билјанини“ црвено- жолтите“ ќе имаат двојна програма тренинзи.


Македонија се наоѓа во групата Б, заедно со Велика Британија, Босна и Херцеговина, Унгарија и Украина. Првопласираната екипа по 8 кола се пласира директно во Литванија, додека место за директен пат на Балтикот ќе имаат и двете најдобри второпласирани селекции од трите групи.

Распоред на натпреварите:
02.08.10 Украина – Македонија
05.08.10 Македонија – Унгарија
08.08.10 В. Британија – Македонија
14.08.10 Македонија – БиХ
17.08.10 Македонија – Украина
20.08.10 Унгарија – Македонија
23.08.10 Македонија – В. Британија
29.08.10 Бих – Македонија

фото Емилио
М.П.