Селекцијата на Македонија за неполн час во второто квалификациско коло во групата А ќе се сретне со Шкотска на “Хемпден Парк“. Селекторот на “црвено жолтите“ Јаневски се одлучи за една измена во почетниот состав од оној против Хрватска. На местото од Ристиќ, во игра е Мирко Иваноски.
Во составот на Шкотска го нема фудбалерот на Стоук, Чарли Адам кој беше најавуван како клучен фудбалер на селекцијата. Нападот ќе го предводи Кени Милер додека голманот Меккгрегор ја санирал повредата и ќе се најде меѓу стативите.
Состави :
Македонија : Богатинов, Шиков, Новески, Попов, Георгиевски, Демири, Пандев, Тричковски, Иваноски, Глигоров и Ибраими.
Шкотска : Меккгрегор, Хатон, Диксон, Бера, Калдвел, Морисон, Вебстер, Милер, Мекки, Малони и Форест.
Во првото коло Македонија претрпе минимален пораз од Хрватска додека Шкотска на домашен терен ремизираше без голови со Србија.
Мх.П.
