Кошаркарската репрезентација на Македонија со победа над Полска 73-63 ги започна мечевите на Трофеј Македонија, кој се игра во Скопје.
Бојан Трајковски со 21 поен и 8 скокови беше најпрецизен во нашиот тим, а двоцифрен број на поени постигнаа и Дамјан Стојановски, Војдан Стојановски и Дарко Соколов. Доминантна партија под кошевите играше Ричард Хендрикс кој забележа 11 скокови.
Пред натпреварот помеѓу Македонија и Полска се одигра средбата помеѓу Црна Гора и Италија, во која Италијаните победија со 86-84. Натпреварите на Трофеј Македонија продолжуваат со дуелите Полска – Црна Гора (17.30 часот) и Македонија – Италија (20.00 часот).
ohridnews
