За потребите на кадетското првенство ЕХФ бараше да се исполнат строгите критериуми слични како оние за сениорското првенство. По инспекцијата отпаднале салите во Виница, Гевгелија, а во Скопје во игра останала само салата „Борис Трајковски“.
Како што неофицијално дознавме една од причините поради кои на ваков чекор се одлучила ЕХФ е состојбата на спортските сали во Охрид и Скопје, односно недостигот на климатизација во салите.
Охрид и Македонија минатата година беа домаќини на две големи натпреврувања и тоа светското првенство во јуниорки и европското за сениорки.
ЕХФ имаше бројни критики за бавното темпо и начинот на кој се исполнуваа зададените критериуми, во салите во Скопје и Охрид, што можеби е една од причините поради кои ни е одземено првенството. Натегањето околу одговорноста за исполнување на критериумите и испонувањето на некои од обврските во пет до дванаесет можеби пресудија ЕХФ да се реши на ваков чекор, или можеби србите и понудија подобар „дил“ на европската ракометна куќа. Организатор на кадетското првенство, како и во случајот со Европското првенство требаше да биде Ракометната федерација на Македонија, од каде засега нема официјален став зошто на Македонија и е одземено натпреварувањето
