Македонија во драматичен натпревар го совлада Израел со 82-79 и направи голем чекор кон обезбедување на пласман во наредната фаза од натпреварите на ЕП во Полска.
Бргу се созедоа македонските кошаркари вчерашниот дебакал од Грција и одиграа натпревар каков што македонската јавност очекуваше. Одлично во одбраната, луцидно во нападот, играа избраниците на Арсиќ кои во текот на целиот натпревар имаа водство од пет до седум поени.
Во финишот на мечот разликата се стопи на еден 77-76, а во последниот напад одговорноста ја превзеде капитенот Стефанов, но неговиот удар заврши во обрачот, по што беше направен прекршок над Антиќ кој од линијата не одвдеде повторно на плус три. Израрелците грешат во нападот, Соколов краде а по прекршокот оди на линијата за слободни каде погодува за 80-76.
На истекот на времето Лимонад погодува од пола терен, и ја враќа неизвесноста во мечот. Мирната рака во финишот на мечот не доведе до победа откако прво Соколов а потоа Антиќ погодија за победа и големо славје како на трибините во Позњан, така и на улиците низ Македонија.
М.Постоловски
