Со погодокот на Кевин де Брујен во 27-та минута селекцијата на Белгија има предност од 1-0 по првиот дел на “Филип Втори“ против репрезентација на Македонија.
Едно мало невнимание на потесната македонска одбрана го искористи Де Брујен да се прошета на половината на Македонија и да донесе предност од 1-0 по првите 45 минути.
Македонија имаше три прилики за погодок, од која една стопроцетна уште во првата минута кога голманот на “црвените ѓаволи“ Куртоа го одбрани ударот со глава на корпулетниот Јаховиќ.
Останатите две шанси во гол не го претворија Тричковски односно капитенот на “рисовите“, Горан Пандев.
Од “Филип Втори“ Скопје, Михаил Постоловски.
