Ѓорѓи Чековски е најновото засилување за Фени Индустри и тој ќе биде дел од македонскиот шампион следната година. Оваа сезона, Фени Индустри се натпреварува во новата регионална кошаркарска лига БИБЛ, а најавите од таму се дека повторно ќе се атакува на двојната круна.
Управата на кошаркарскиот клуб МЗТ Скопје, следната година ќе може да смета на Перо Блажевски кој дојде од Вардар Осигурување. Покрај Блажевски во тимот за следната сезона ќе биде и Срѓан Станковиќ, а покрај нив новајлии ќе бидат и Филип Кралевски и Ангел Тасевски.
Тони Грнчаров, е единственото засилување за Работнички Фершпед за следната сезона. Според директорот на клубот Горан Костовски Тоа е доволно за успех следната сезона.
И за крај враќањето на легендарниот Будимир Јоловиќ е најинтересната вест, која произлегува од објавувањето на листата на Карпош Соколи 2000. Популарниот “Будо“, кој на 3 октомври ќе наполни 49 години, е еден од 14 македонски кошаркари на листата на Карпош Соколи. Тој за последно играше во Никол Ферт во 2003 година, како тренер ги водеше ФОН и Амак СП, а минатата сезона неговите ќерки Јована и Драгана дебитираа во сениорска конкуренција во дресот на Водњански Лисици.
