Канадската компанија за производство на автомобилски делови Магна, денеска свечено го отвори својот втор објект во земјава, лоциран во Штип.
Овој нов објект следи по успешното отворање на фабриката во Струга во 2022 година.
Експанзивниот најсовремен објект од 18.200 квадратни метри е наменет за производство на иновативни брави за странични врати, задни брави и системи за напојување. Се очекува да отвори до 600 нови работни места, што ќе поттикне локални вработувања и економски раст, инфомираат од компанијата.
На отворањето на новата фабрика на Магна присуствуваа премиерот Христијан Мицкоски и менаџментот на компанијата.
Оваа инвестиција не е само капитален проект, туку вистинска приказна за доверба, партнерство и заедничка визија. Инвестицијата е вредна околу 40 милиони евра, посочи премиерот Мицкоски.
Благодарение на оваа фабрика, се отвораат нови работни места, се зголемува индустриското производство и се зајакнува економијата, додаде премиерот.
OhridNews
Фото: „Магна“
