Сообраќајот на патиштата во државава се одвива без забрани, по претежно влажни коловози. Намалена видливост до 100 метри поради магла има на планинскиот превој Пресека и до 50 метри на Плетвар, информираат од АМСМ.
Се препорачува внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани – Делчево, Виница – Берово каде е можна почеста појава на одрони.
OhridNews
