Руското обвинителство размислува за поднесување кривични пријави против поп пејачките Мадона и Лејди Гага, поради сомнение дека влегле во земјата со неисправни визи. Мадона, која минатата година настапувала во Русија имала виза чија намена била културна размена, а не комерцијална активност, а за истиот прекршок се обвинува и Лејди Гага, јавуваат електронските медиуми.
Иницијативата за започнал Виталиј Милонов, еден од најголемите противници на LGBT заедницата во Русија. тој стоел зад законот кој забранува геј пропаганда во овој град и кој наскоро ќе дојде до разгедување во државната Дума. Бидејќи двете пејачки активно ги поддржуваат членовите на LGBT заедницата во борба за еднаквост, Милонов се обидел да ги обвини за промоцијата на „содомија, лезбејство и бисексуалност меѓу малолетниците“, но неговата тужба по оваа основа не минала на суд.
