Џоел Ајсфилд останал скаменет кога сфатил дека неговата мачка Клео излегла на тераса и скокнала од 17-ти кат. Му олеснало кога открил дека преживеала целосно неповредена.
Канаѓанинот Џоел живее на 17-ти кат во Њу Вестминстер и сопственик е на прекрасна куќна мачка по име Клео. Неодамна доживеал ужасен шок кога забележал дека Клео излегла на терасата и скокнала.
“Не знаев дали е жива, повредена или мртва. Бев многу расплакан“, изјавил Ајсфилд.
Бидејќи неможел да ја види мачката никаде пред зградата, тргнал да ја бара кат по кат. Откако не успеал да ја најде на Фејсбук ги поделил своите стравови.
Кога конечно ја пронашол, останал целосно збунет бидејќи била неповредена.
“Претпоставувам дека не и останаа многу животи. Инаку е прилично кул мачка“, Ајсфилд ја коментирал неверојатната среќа на своето милениче.
