Поранешниот селектор на женската ракометна репрезентација на Македонија, Љупчо Савевски, е нов кормилар на најдобра машка селекција. Досегашниот селектор Илија Темелковски е разрешен од оваа функција откако претседателот на РФМ Михајло Михајловски и членовите на УО на вчерашната седница не го прифатија извештајот на Ико, по неуспехот на мажите во квалификациите за ЕП 2010. – Акцент ќе има во првата селекција, да не се изгубат овие квалификации и кои се мошне сериозни, ние сме фаворити, но се одржуваат на теренот на една амбициозна Турција и Литванија која е сериозен противник. Но во секој случај сме фаворити да се обидеме тоа да го надминеме и да чекаме добра ждрепка од Европското првенство во Австрија – изјави Савески.
На седницата на УО беше потврдена селекторската функција на женската репрезентација на Македонија Јошко Петкоивќ, кој беше в.д. На местото генерален секретар повторно е избран Марјан Начевски.
ohridnews
